TEPNAN DI HIGIENE PERSONAL PA ORA DI BIAHA
Tepnan pa ora di biahe
Ta masha importante pa keda salú i limpi riba kaya durante bo biahe pa bo evitá bira malu. Ora bo evitá esaki, bo por hasi tur lokual bo tabata tin planiá di hasi durante bo biahe. No opstante, si bo mester biaha pa hopi ora i keda den èrpòrtnan grandi ku hopi hende, e por ta un reto pa mantené bo higiene personal na un nivel saludabel si bo no tin e konosementu i e modo pa garantisá esaki.
Pa e motibu aki, nos a disidí di ofresé bo un par di konseho ku lo yuda bo keda limpi i salú tanten ku bo ta biaha. Nos lo repasá e partinan di kurpa ku bo mester tene limpi i nos lo duna diferente konseho tokante kon pa keda limpi i salú na un manera efektivo i fásil.
Mannan
E promé parti di bo kurpa ku nos mester kubri ta bo mannan, pues bo mannan ta loke bo ta usa mas tantu ora di biaha. Djis imaginá bo kuantu biaha bo mester entregá bo dokumentonan personal na diferente hende na èrpòrt, kuantu biaha bo mester subi trapi òf primi boton pa subi left. Segun un estudio hasí na Merka, bo tin 100 biaha mas chèns di bira malu ku normal ora bo ta biaha. Un manera hopi importante pa protehá bo mes kontra di esaki ta dor di mantené bo mannan limpi.
Ounke mayoría di hende lo bisa bo ku laba bo mannan regularmente ku awa kayente anto usa hopi habon ta sufisiente pa laga bo mannan keda limpi, e realidat ta ku esaki no semper ta un opshon ora di biaha. Den e kaso aki, bo mihó opshon ta pa tin un desinfektante di man ku bo, ku bo por usa na kualke momento unda ku bo ta. Glacial su desinfektante di man por ta bo kompañero den esaki ya ku e ta mata 99% di bakteria, bo no mester di awa pa us’é, e ta seka lihé i e ta bin na dos tamaño hopi kumbiniente, sea den un bòter di 125ml, òf den su presentashon ‘bag hanger’ ku bo por kologá na bo tas òf bo maleta ora bo ta bai biaha.
Si bo ke haña mas informashon tokante e importansia di usa desinfektante di man tur dia, bo por bishitá e lenk.
Kara
Mantené bo kara limpi tambe ta sumamente importante ora di biaha. Un kara limpi ta laga bo sinti mas fresku, bo ta sinti bo ku mas energia, i ademas bo ta prevení infekshonnan i pèshinan fèrfelu. Ora di biaha, ta importante pa bo paga tinu riba dos aspekto: e wer di kaminda bo ta bayendo, i bo tipo di kueru. Si bo ta bayendo un lugá kaminda tin hopi solo, kòrda bai ku un krema di protekshon kontra solo pa bo kueru i bo lepnan. Pa mantené bo kara limpi i fresku, bo por konta ku Alcolado Glacial tambe, kual ta un loshon hopi refreskante ku no mester di awa, ta seka lihé i ta laga bo sinti fresku pa mas tempu.
Si bo ta bayendo un kaminda ku un wer un tiki mas friu, tòg ta importante pa protehá i hidratá bo kara regularmente pasobra e friu por seka bo kueru. Normalmente den wer friu bo chèns di haña grip i bira malu lo oumentá tambe. Den e kaso aki, Alcolado Glacial por ta hopi útil, ya ku e ta aliviá kongestion anto síntomanan di grip.
Loke ta kumbiniente di Glacial su Alcolado tambe ta ku e ta bin na tamañonan chikí òf grandi dependiendo di bo nesesidat, i ademas e ta bin ku un tapa “Pump Spray” ku ta ideal pa ora bo ta riba kaminda. Pa mas informashon bo por bishitá e lenk aki.
Boka
Segun un estudio realisá na Merka, mayoria di hende (19%) a bisa ku un hende ku “su boka ta ole malu” ta e pió hende pa sinta band’i dje den avion. Mas ku klaro esaki mester ta mas fèrfelu ainda si bo mester biaha hopi ora. Si bo no ke pa bo boka ole malu, pa ya bo por keda bon ku bo kompañero di biahe, nos ta rekomendá bo pa tin bals (di menta) ku bo na tur momento i evitá di kome kosnan ku tin siboyo, konofló, òf spesereinan fuerte manera kùri. Tambe ta ideal si bo por tin un tas chikitu ku un skeiru di djente i pasta di djente pa ya bo por skeiru djente despues di kome, òf simplemente pa mantené bo boka limpi tanten bo ta warda avion na èrpòrt òf durante bo buelo si bo mester biaha hopi ora.
Komo lastu tep nos ta rekomendá bo pa semper chèk delantá kuantu mililiter pa bòter bo por bai kun’é den bo tas di man. Esaki lo variá pa pais, pero e standart ta semper entre 100ml pa 150ml. Nos ta spera ku e tepnan aki lo yuda bo keda limpi i salú, i nos ta deseá bo un bon biahe di antemano!
