E IMPORTANSIA DI USA HAND SANITIZER TUR DIA

DESINFEKTANTE DI MAN DI GLACIAL

Kada dia nos ta drenta den kontakto ku mil di bakteria, mikrobio i parasit ku no ta visibel pa nos wowonan. Pasobra nos no ta mira nan nos ta lubidá fásil e importansia di mantené nos mannan limpi. No opstante, nos mester keda mir’é komo prioridat pa mantené nos mannan limpi si nos ke evitá e transmishon di enfermedatnan infeksioso den nos organismo.

Mester bisa aserka ku kontakto ku bakteria ta inevitabel (espesialmente si bo ta traha pafó) i nos organismo ya ta hiba bataya regularmente ku nan riba su mes kaba. Pero nos tambe mester hasi nos parti pa yuda nos organismo kombatí e bakterianan aki. Un manera rápido i kumbiniente pa hasi esaki ta dor di usa desinfektante di man.

Pa yuda bo keda atento riba e limpiesa di bo mannan, nos a krea un lista di e momentonan mas importante den kual nos mannan mester keda limpi:

Despues di a bishitá ambientenan públiko

Ora nos bishitá ambientenan públiko, nos por bini den kontakto ku hopi kos usá pa hopi otro persona i ku no sa wòrdu limpiá regularmente. Ehèmpelnan por inkluí trapinan, boton di left i lugánan públiko manera, entre otro, pòmp stashon, hospital i banko. E tipo di lugánan aki ta parti di nos rutina diario pero nos por prepará nos mes i tene nos desinfektante di man ku nos pa por us’é despues di a bishitá e ambientenan públiko aki.

Ora bo kome

Si bo mannan no ta limpi ora bo sinta kome, bo ta yudando e bakterianan drenta bo organismo mas lihé. Nos ta komprondé ku, espesialmente konsiderando e siman di trabou i otro aktividatnan, bo tempu ta limitá i p’esei hopi bia bo no por tuma e tempu di kana bai baño pa laba bo mannan. Tin biaha bo ta bai kome afó i bo ta disidí di bai baño solamente pa hañ’é ya okupá òf no den un estado sufisientemente limpi pa bo sinti bo kómodo pa laba bo mannan ei den. Pa e motibunan aki, nos ta rekomendá bo pa semper tin bo desinfektante di man huntu kubo tur kaminda ku bo bai. Bo por hink’é den bo tas òf asta lag’é den bo outo.

Despues di a mishi ku un animal

Si bo ta un persona ku stima animal, bo sa ku e ta práktikamente imposibel pa keda sin mishi òf hunga ku nan. No falta nada na esaki, pero kòrda semper si ku animalnan tin un kantidat mas grandi i mas variá di bakterianan ku hende. Pues ora bo kaba di hunga ku nan, usa bo desinfektante di man pa desinfektá bo mannan i sigui ku bo dia.

Manera bo por a lesa, e ta hopi importante pa mantené nos mannan limpi tur dia. Glacial su desinfektante di man por ta bo kompañero den esaki ya ku e ta mata 99% di bakteria, bo no mester di awa pa us’é i e ta bin na dos tamaño hopi kumbiniente, sea den un bòter di 125 ml, òf den su presentashon ‘bag hanger’ ku bo por kologá tur kaminda.

Pa mas informashon tokante nos desinfektante di man, klek aki.