Ku mas ku 70 aña riba e merkado di Kòrsou, Glacial ta un di e markanan mas kerí na nos isla. Ademas di su produkto popular 'Alcolado Glacial', un loshon di mèntòl, su famia di produkto a krese den transkurso di tempu i a bin ta inkluí un bara di habon, un krema pa hunta, un desinfektante di man i awor un antiséptiko di promé ousilio ku alkohòl etíliko di 70% i un loshon desinfektante. 

Kada dia nos ta drenta den kontakto ku mil di bakteria, mikrobio i parasit ku no ta visibel pa nos wowonan. Pasobra nos no ta mira nan nos ta lubidá fásil e importansia di mantené nos mannan limpi. No opstante, nos mester keda mir'é komo prioridat pa mantené nos mannan limpi si nos ke evitá e transmishon di enfermedatnan infeksioso den nos organismo.

Ta masha importante pa keda salú i limpi riba kaya durante bo biahe pa bo evitá bira malu. Ora bo evitá esaki, bo por hasi tur lokual bo tabata tin planiá di hasi durante bo biahe. No opstante, si bo mester biaha pa hopi ora i keda den èrpòrtnan grandi ku hopi hende, e por ta un reto pa mantené bo higiene personal na un nivel saludabel si bo no tin e konosementu i e modo pa garantisá esaki.

Alcolado Glacial ta un marka Kurasoleño masha konosí bou di e poblashon di Kòrsou. E ta un produkto hopi kerí i e ta wòrdu usá na hopi lugá riba e isla ya pa hopi generashon. Aunke e produkto a bin ta kumpli ku diferente uso den transkurso di aña, e ta sigui ta un produkto ku bo mester tin den kas. No ta bèrdat?