E MARKA

Group 5

REFRESKANTE

Nos tin komo meta pa ta balioso den bo bida diario i pa semper pone bo sinti bo refreská i revitalisá.
Group 3

ALTA KALIDAT

Nos ta proveé bo produktonan di alta kalidat ku ta ofresé alivio i refresko pa diferente okashon.
Group 4

DISPONIBEL

Nos ta sòru pa nos produktonan ta disponibel fásilmente.
Group 6

INOVATIVO

Nos ta semper en buska di formanan nobo pa pone bo sinti bo refreská i rekargá.
E pingwin di Glacial ta un di e íkononan mas distintivo di e marka di Glacial.
E pakete di refresko mobil di Alcolado Glacial.

Curacao Laboratories Ltd. a kuminsá ku e produkshon di Alcolado Glacial na aña 1948 na Kòrsou.

Nos produktonan tambe ta wòrdu produsí bou di lisensia na e siguiente paisnan:

  • Barbados W.I., pa Curacao Laboratories Barbados, Ltd
  • Suriname, pa Surinam Laboratories N.V.
  • Repúblika Dominikana, pa Hospifar

Alcolado Glacial ta wòrdu bendí na mas
ku 25 pais rònt mundu, entre
nan:

  • Mayoria islanan den Karibe
  • Hulanda i Oropa
  • Colombia
  • Merka i Canada
Unda por kumpra?
B2
2 empleado femenino di Glacial Ta Yuda teniendo produktonan di Glacial pa e kámara.

Alcolado Glacial ta un loshon mentolá di spat ku ta revitalisá di pia te kabes.

Entre e karakterístikanan prinsipal di e produkto ta e sensashon refreskante i revitalisá ku e loshon ta duna instantaniamente ora e wòrdu usá. Banda di esaki su aroma distintivo di mentol fresku i su efekto nutritivo ta hasi e karakterístikanan aki mas atraktivo ainda.

Nos ta orguyoso di e kalidat altu di e loshon di Alcolado Glacial. Esaki ta e resultado di e ingredientenan puru i di alta kalidat ku ta wòrdu usá den e proseso di su produkshon.

E reseta ta un sekreto pero e loshon ta konsistí di 74% alkohòl denaturalisá, mentol i zetanan esensial sekreto. 

E loshon di Alcolado Glacial ta un artíkulo komun den hopi kas na Kòrsou i den sobrá Karibe ya pa hopi generashon. Hopi na nos isla i den region a lanta ku e produkto i marka aki.

Nos loshon di spat a inspirá hopi deskripshon kreativo; “èrko den un bòter” tabata su lema pa hopi aña i ainda e ta wòrdu usá ampliamente awendia. E lema ta deskribí klaramente e loshon su efektonan refreskante i di fria e kueru. Banda di su efektonan refreskante instantáneo, e Loshon di Spat di Alcolado Glacial por wòrdu usá diariamente komo aftershave, pa aliviá síntomanan di doló di kabes òf grip, pa aliviá grawatamentu di piká di sangura, i hopi mas.    

E Loshon di Spat di Alcolado Glacial por ta nos produkto prinsipal, pero den transkurso di tempu nos a desaroyá i añadí otro produktonan tambe na e famia di Glacial. Nan ta inkluí produktonan di habon, krema pa hunta i desinfektante di man. Tur ku e mesun aroma mentolá distintivo.