Tepnan di higiene personal pa ora di biaha

adminArticlesLeave a Comment

Travel tips

Keda saludabel i limpi riba kaminda ora di biaha ta hopi importante pa evitá di bira malu i asina por hasi tur kos ku bo a plania pa hasi durante bo biahe. Sin embargo, si bo mester biaha hopi ora anto keda na èrpòrtnan grandi ku hopi hende, mantené bo higiene personal saludabel por ta un reto hopi grandi si bo no tin e konosementu i e medionan nesesario pa garantisá esaki.

P’e motibu aki, nos a disidí di ofresé bo diferente tep ku lo yuda bo keda limpi i saludabel ora di biaha. Nos lo bai dor di e partinan di bo por kurpa ku ta mas importante pa mantené limpi, i nos lo duna bo diferente tep kon bo por logra esaki na un manera fasil i efektivo.

Mannan

E prome parti di bo kurpa ku nos mester kubri ta bo mannan, pues bo mannan ta loke bo ta usa mas tantu ora di biaha. Djis imaginá bo kuantu biaha bo mester entregá bo dokumentonan personal na diferente hende na èrpòrt, kuantu biaha bo mester subi trapi òf primi boton pa subi lift. Segun un estudio hasí na Merka, bo tin 100 biaha mas chèns di bira malu ku normal ora bo ta biaha. Un manera hopi importante pa protehá bo mes kontra di esaki ta dor di mantené bo mannan limpi.

Ounke mayoría di hende lo bisa bo ku laba bo mannan regularmente ku awa kayente anto usa hopi habon ta sufisiente pa laga bo mannan keda limpi, e realidat ta ku esaki no semper ta un opshon ora di biaha. Den e kaso aki, bo mihó opshon ta pa tin un hand sanitizer ku bo, ku bo por usa na kualke momento unda ku bo ta. Glacial su hand sanitizer por ta bo kompañero den esaki ya ku e ta mata 99% di bakteria, bo no mester di awa pa us’é, e ta seka lihé i e ta bin na dos tamaño hopi konveniente, sea den un bòter di 125ml, òf den su presentashon ‘bag hanger’ ku bo por kologá na bo tas òf bo maleta ora bo ta bai biaha.

Si bo ke haña mas informashon tokante e importansia di usa hand sanitizer tur dia, bo por bishitá e link aki.

Kara

Mantené bo kara limpi tambe ta sumamente importante ora di biaha. Un kara limpi ta lagabo sinti mas fresh, bo ta sinti bo ku mas energia, i además bo ta prevení infekshonan i pèshinan fèrfelu. Ora di biaha, ta importante pa bo paga tinu riba dos aspekto: e wer di kaminda bo ta baiendo, i bo tipo di kueru. Si bo ta baiendo un luga kaminda tin hopi solo, kòrda bai ku un krema di protekshon kontra solo pa bo kueru i bo lepnan. Pa mantené bo kara limpi i fresku, bo por konta ku Alcolado Glacial tambe, kual ta un loshon hopi refreskante ku no mester di awa, ta seka lihe i ta laga bo sinti frèsh pa mas tempu.

Si bo ta baiendo un kaminda ku un wer un tiki mas friu, tòg ta importante pa protehá i hidratá bo kara regularmente pasobra e friu por seka bo kueru. Normalmente den wer friu bo chèns di haña grip i bira malu lo oumentá tambe. Den e kaso aki, Alcolado Glacial por ta hopi util, ya ku e ta aliviá kongestion anto sintomannan di grip.

Loke ta konveniente di Glacial su Alcolado tambe ta ku e ta bin na tamañonan chiki òf grandi dependiendo di bo nesesidat, i además e ta bin ku un tapa “Pump Spray” ku ta ideal pa ora bo ta riba kaminda. Pa mas informashon bo por bishitá e link aki.

Boka

Segun un estudio realisá na Merka, mayoria di hende (19%) a bisa ku un hende ku “su boka ta hole malu” ta e pio hende pa sinta band’i dje den avion. Mas ku klaro esaki mester ta mas fèrfelu ahinda si bo mester biaha hopi ora. Si bo no ke pa bo boka hole malu, pa ya bo por keda bon ku bo kompañero di biahe, nos ta rekomendá bo pa tin gùm (di mint) ku bo na tur momento i evitá di kome kosnan ku tin siboyo, konofló, òf spesereinan fuerte manera kùri. Tambe ta ideal si bo por tin un tas chikitu ku un skeiru di djente i pasta di djente pa ya bo por skeiru djente despues di kome, òf simpelmente pa mantené bo boka limpi tanten bo ta warda avion na èrpòrt òf durante bo buelo si bo mester biaha hopi ora.

Komo lastu tep nos ta rekomendá bo pa semper chèk delantá kuantu milileter pa bòter bo por bai kun’é den bo tas di man. Esaki lo variá pa pais, pero e standard ta semper entre 100ml pa 150ml. Nos ta spera ku e tepnan aki lo yuda bo keda limpi i saludabel, i nos ta deseá bo un bon biahe di antemano!

Leave a Reply

Your email address will not be published. Required fields are marked *