E importansia di usa hand sanitizer tur dia

adminArticles1 Comment

E importansia di usa hand sanitizer tur dia

Tur dia nos ta drenta den kontakto ku miles di bakteria, mikrobio i parasito ku ta invisibel pa nos wowo humano. Dor ku nos no ta mira nan, e ta hopi fásil pa nos lubida riba e importansia di mantené nos mannan limpi. Sin embargo, mantené nos mannan limpi ta keda un prioridat si nos ke evita e transmishon di malesanan infeksioso den nos organismo.

Loke ta berdat si ta ku e kontakto ku bakteria aki ta inevitabel (spesialmente si bo ta traha pafó) anto ta normal pa nos organismo kombatí e bakterianan aki di su mes kaba. Pero, nos tambe tin ku duna di nos parti pa yuda nos organismo kombatí e bakterianan aki. Un manera lihé i konveniente pa hasi esaki ta dor di usa hand sanitizer.

Pa yuda bo keda atento riba e limpiesa di bo mannan, nos a krea un lista di e momentonan di mas importante ku nos mannan mester ta limpi:

Despues di ta den ambientenan públiko

Ora nos ta den ambientenan públiko, nos por drenta den kontakto ku hopi kos ku ta wòrdu usá dor di hopi hende anto ku no ta wòrdu limpiá regularmente. Ehèmpelnan di esaki ta inkluí porta, trapi, botón di lift, i tambe luganan públiko manera pomp di gasolin, hospital, banko, entre otro. Tipo di luganan asina’ki ta parti di nos tur su aktividatnan diario. Sin embargo, nos por prepará nos mes i tin nos hand sanitizer huntu ku nos pa nos us’é despues ku nos a bai e ambienten
an públiko aki.

Ora di kome

Si bo mannan no ta limpi ora di kome, loke bo ta hasi ta eigenlijk yuda e bakterianan drenta den bo organismo mas lihé. Nos ta kompronde ku, spesialmente den siman ku trabou i dimas aktividatnan, bo tempu ta limitá i p’esei hopi biaha bo no ta tuma e molèster di kana bai baño pa laba bo man. Tin biaha ku bo ta kome pafó di kas i bo ta disidi di bai baño tòg, djis pa bo haña bo ku baño ta okupá òf e no ta den un estado sufisientemente limpi ku bo ta sinti bo konfortabel pa laba bo mannan den dje. P’e motibunan aki, nos ta rekomendá bo pa semper kana ku bo hand sanitizer tur kaminda ku bo bai. Bo por hink’é den bo tas òf hasta lag’é den outo.

Despues di mishi ku bestia

si bo ta un persona ku stima bestia, bo sa ku e ta praktikamente imposibel di no mishi òf hunga ku nan. No tin nada robes ku esaki, djis kòrda semper ku bestia tin un kantidat di bakteria mas haltu i diferente ku nos hende humano. Pues, si bo a kaba hunga ku un bestia, usa bo hand sanitizer pa desinfektá bo mannan i sigui ku bo dia trankil.

Manera bo por a lesa, e ta hopi importante pa mantené nos mannan limpi tur dia. Glacial su hand sanitizer por ta bo kompañero den esaki ya ku e ta mata 99% di bakteria, bo no mester di awa pa us’é i e ta bin na dos tamaño hopi konveniente, sea den un bòter di 125ml, òf den su presentashon ‘bag hanger’ ku bo por kologá tur kaminda.

Pa mas informashon tokante nos hand sanitizer, klik e link aki.

One Comment on “E importansia di usa hand sanitizer tur dia”

  1. Pingback: Tepnan di Higiene personal pa ora di biaha - Glacial

Leave a Reply

Your email address will not be published. Required fields are marked *