6 manera fasil pa kombatí kalor

adminArticlesLeave a Comment

Meneeer ta kobati kalor ku Alcolado Glacial den baño

Temporada di kalor ta yegando. E luna di Sèptèmber, kaminda e solo ta bria mas skèrpi i e bientu ta bai tuma un sosiegu, nos tur ta kana lenga afó i no ta pasa un momento ku nos no ta keha di e kalor. Lo bo pensa ku ora bo biba un kaminda ku tur dia tin solo i ku tur dia ta 29 grado lo bo kustumbrá, pero ketu . . . . No tin manera pa kustumbrá ku e kalor di Sèptèmber. Pero no ta nada, paso aki nos ta duna bo 6 manera pa yuda bo aliviá e kalor aki.

1. Spray ku Alcolado Glacial

E mèntòl den Alcolado Glacial ta yuda aliviá kalor mesora. Spray un tiki Alcolado Glacial na bo lomba, brasa, patras di bo rudia i garganta i den un ratu lo bo por sinti kon e Alcolado ta kuminsá hasi su efekto. Bo kurpa lo sinti manera ta un baño refreskante bo ta haña i lo bo lubidá mes ku djis un par di minüt promé bo kurpa tabata soda di kalor.

2. Bebe hopi awa

Esaki ta un ku nos tur sa pero hopi bes nos ta lubidá. Ora bo tin kalor hopi bes bo ta soda, i pa bo no deshidrata ta importante pa bo keda bebe awe—mas tantu ku normal.

Un bon tip ta pa hinka algun fruta den frizer i hinka esaki den bo awa. No solamente e ta yuda tene bo ko’i bebe friu, pero tambe e ta duna bo awa un dushi sabor. Awendia tin asta bòter nan spesial pa esaki.

3. Bisti paña blanku, fini i di katuna

For di tempu nan pasa, ora hende bai fakansi na un lugá tropikal nan ta bisti paña fini, blanku i di katuna. Esaki no ta nada straño paso ta e paña nan aki ta yuda pa bo sinti ménos kalor. Mas aleu, e paña no mester ta pega na bo kurpa tampoko. Di e manera ei bo ta duna bientu chèns di pasa via di bo paña i refreská bo kurpa.

4. Hinka un par di lensu den frizer

Lo bo no kere pero lensu friu ta yuda bon pa kombatí kalor. Hinka un par di lensu òf waips den bo frizer anto ora bo ta sinti un tiki kalor sake i but’é riba bo frenta òf garganta. Bo por but’é tambe riba bo pòls ku ta un di e kaminda nan ku ta yuda fria bo kurpa mas lihé. Ora bo kaba hink’é bek den frizer pa bo por huz’é atrobe.

5. Kome kuminda nan friu

Kumpra fruta, bèrdura òf komestibel ku bo por hinka den frishidèr manera tomati, komkomber, awakati i keshi. Kome nan komo snèk òf traha un kuminda ku nan sin kushin’é. Di e manera ei bo ta konsumí kuminda ku ta refreská bo mesora. Ta rekomendabel pa kumpra fruta i bèrdura nan manera tomati tipo cherry, komkomber, apelsina, patia etc. etc. Esaki nan no solamente ta apto pa bai den frishidèr pero nan ta fruta i bèrdura ku ta chupa hopi awa lokual ta buta ku nan ta mas mihó pa hidrata

6. No hansha bo mes

E kos mas importante ta pa bo no hansha. Mas bo hansha mas kalor bo ta haña. Ta p’esei ta importante pa bo keda kalmo i lubidá mes di e kalor. Relahá bo kurpa i bo mente.

Leave a Reply

Your email address will not be published. Required fields are marked *