4 tipo di pakete di kuido pa kada okashon

adminArticles2 Comments

Un pakete di kuido pa den bo tas

Ta importante pa bo sinti bo mes refreská i dushi na tur ora. Manera beibi ku a kaba di baña. Pero, kon bo por logra esaki ora bo no ta na kas? Ora bo no tin un baño pa bo tira un tiki awa riba bo kurpa i kita tur e sushi i strès di e momento? Na momentonan asina un pakete di kuido ta bo arma sekreto i bo kompañero pa refreská bo kurpa i yena bo ku energia.

Na Trabou

Un pakete di kuido pa tin i usa na trabou

Mitar di bo dia bo ta pasa na trabou i ta e momento ku mas bo mester tin bo produktonan na man. Na trabou hopi bes bo ta mishi ku hopi hende òf artefaktonan. Bo ta soda paso bo a kana bai bin hopi òf porta simplemente bo mester duna bo kurpa un tiki energia pa sigui ku bo dia. Esei kemen ku bo mester di un produkto pa limpia parti nan di bo kurpa, algu pa refreská bo kurpa i artíkulonan pa ‘touch-up’ manera makiahe, puiru, perfume, i/òf un loshon.

Kontenido di bo pakete di kuido pa trabou: 
Glacial Hand Sanitizer, Alcolado Glacial Pump Spray, Perfume, Puiru, ‘Stress Ball’, klinèks, waips pa kurpa i kara, mini deodorante.

Den outo

Un pakete di kuido spesha pa den outo

Bosá kiko ta fèrfelu? Ora bo ta leu for di kas anto diripiente bo mester di algu pa bo limpia bo man òf bo a kana den solo henter ora i bo ta para den un tráfiko i bo èrko no ta traha. No papia mes di e luna nan di sèptèmber ora ku e solo ta mas rabioso ku nunka. Ata bo kurpa ta sinti tur pega pega anto ainda bo falta di bai bo sita òf porta bono a kaba di hasi tur bo deligensianan. Awor bo tin ku para na un botika òf toko pa kumpra algu pa yuda bo refreská bo kurpa tanten bo tin tur e produkto nan ei na kas kaba. Imaginá bo si bo tin ku hasi e kos ei kaba bes. Evitá tur e problema nan ei i gastamentu di sèn i sòru di semper sali prepará for di kas. Hinka un pakete di kuido den bo baul pa na momento ku bo mester di algu bo tin e nechi kubo. Semper ta bon pa den bo pakete bo tin algun kos pa promé ousilio.

Kontenido di bo pakete di kuido pa den outo:
Glacial Hand Sanitizer, Alcolado Glacial 500ML, Alcolado Glacial Pump Spray, Lensu, klinèks, waips pa kurpa i kara, plèister, papel di w.c., perfume, mini deodorante, mini loshon korporal.

Den bo tas

Un pakete di kuido pa den bo tas

Esaki ta spesial pa nos hende muhé nan i muchanan di skol. Aunke bono tin hopi espasio pa karga hopi kos ta bon pa bo tin un tas itui kaminda bo ta karga bo artikulonan esensial ku bo mester. No laga e dia sorpresa bo i semper ta prepará pa tur momento.

Kontenido di bo pakete di kuido pa den bo tas: 
Glacial Hand Sanitizer Bag Hanger, Alcolado Glacial Pump Spray, 1 of 2 waips lòs den pakete, mini deodorante i pa hende muhé bo makiahe nan mas esensial.

Den avion

Un pakete di kuido pa ora bo bai de biahé

Bo ta bai ku fakansi? Un pakete di kuido pa ora bo ta den avion ta hopi importante. No ta importá si ta un vuelo largu òf kòrtiku. Biaha den avion nunka no ta masha dushi, paso bo ta sinta pa basta ratu den un área chikí sin akseso na tur bo pertenensia nan personal. Ademas bo ta restringí na loke bo por hiba. P’esei ta rekomendabel pa traha un pakete di kuido pa asina bo avion pisa suela bo sinti bo kompletamente refreská i kla pa selebrá bo fakansi. E aire den avion ta kansa bo? Spùit un tiki Alcolado Glacial riba un lensu, but’é na bo nanishi pa e habri bo nanishi bek. Kurpa ta seka dor di e aire den avion? Tin bo loshon korporal kla pa hunta bo kurpa ku ne. Tip: kòrda usa un tas ku ta transparente pa bo no tin problema ora di kontrol i tur líkido ku bo hiba no mester ta den un bòter mas grandi ku 125ML.

Kontenido di bo pakete di kuido pa den avion: 
Glacial Hand Sanitizer Bag Hanger, Alcolado Glacial Pump Spray 125ML, Lensu, klinèks, waips pa kurpa i kara, mini deodorante, mini loshon korporal.

2 Comments on “4 tipo di pakete di kuido pa kada okashon”

Leave a Reply

Your email address will not be published. Required fields are marked *