10 manera straño pero útil pa usa Glacial Rub

adminArticles, Glacial Rub5 Comments

Glacial Rub

Rub ta un produkto ku hopi hende ta usa ora nan ta malu. E manera mas komun pa husé ta dor di frega rub riba pechu i lomba pa aliviá tosamentu, na nanishi pa aliviá nanishi será òf riba frenta pa aliviá doló di kabes. Pero, rub tin hopi mas uso. Un par mas partikular ku otro pero tur hopi útil.

Kombatí beskèin na uña

Nada no ta mas fafelu ku beskèin na uña i mas ainda si e beskèin aki ta na un uña di man. Ora bo ta sospechá ku un uña ta infektá ku beskèin, frega e rub na e área afektá. Despues di un par di dia e uña lo bira pretu loke ta nifiká ku e Glacial Rub ta matando e beskèin. Na momento ku e uña krese e beskèin lo disparsé pida pa pida. Keda hunta e krema pa dos siman mas pa mata tur bakteria i minimalisá e chèns pa un beskèin forma su mes atrobe.

Aliviá tosamentu

Tur hende sa ku Glacial Rub ta bon pa aliviá tosamentu i tur hende sa ku pa hasi esaki bo mester hunta e rub riba bo lomba i pechu. Pero, dor di hunta Glacial Rub na bo pia i despues bisti un mea bo ta yuda aliviá e tosamentu. Hunta e rub na tur e 3 kamindanan pa e produkto yuda aun mas mihó. E método aki ta un método bieu, paso probablemente hopi Yu di Kòrsou lo kòrda kon nan mama òf tata tabata hunta nan pia ku rub promé ku nan bai drumi.

Pa kura kòrtá di papel òf otro herida similar

Un herida chikí tambe por haña infekshon i espesialmente si ta un herida na man. Tambe ta asina ku no ta paso un herida ta chikí e ta ménos fafelu. Huntá un tiki di Glacial Rub riba e herida i lo bo yuda prevení infekshon, pero tambe aselerá e proseso di rekuperashon.

Yuda kombatí akné

Botikanan ta yená ku produktonan pa yuda kombatí akné. Pero bo tabata sa ku Glacial Rub tambe ta bon pa kombatí akné? E rub ta yuda seka e pèshinan i promé ku bo ke pensa bo kara lo keda lísu lísu.

Yuda redusí “stretch marks”

Glacial Rub no ta un produkto milagroso, pero pa stretch marks nan ku no ta profundo Glacial Rub por eliminá nan. Lo dura aproksimadamente 2 siman te ku e stretch marks nan disparsé. Keda hunta e rub pa dos siman largu.

Aliviá doló na kokoti

Bo ta hunga tennis? Ta komun ku personanan ku ta hunga tennis ta haña doló di múskulo na e parti di kokoti. Hunta un tiki Glacial Rub na bo brasa i esaki ta yuda aliviá e doló. Hunta un par di bes pa dia te ora e doló bai.

Trata planta di pia

Pakiko gasta sèn pa trata bo pia tur siman si bo mes por trat’é dor di hunta Glacial Rub na e planta di pia? Hasi esaki dos bes pa dia i lo bo ripara kon bo pia lo kura i keda nechi.

Trata hilchi di pia

Hunta Glacial Rub tur anochi, bisti un mea di katuna i siguiente dia laba bo pia pa kita e rub. Despues di un par di dia bo hilchi lo sinti kompletamente suave.

Trata un “blauwe plek”

Asina bo dal bo kurpa un kaminda i mira ku bo tin un blauwe plek, brua Glacial Rub i un tiki salu i apliká esaki riba e area afektá. Esaki lo juda e kueru rekupera mas lihé.

Pa or abo tin ku yora

Nunka bo no sa ki dia lo bo tin ku kuminsá un karera artístiko i bo mester kuminsá yora na e momento ei. Si bo mester un tiki di yudansa orei buta un tiki Glacial Rub abou di bo wowo i lo bo mira kon naturalmente e yantonan lo sali.

5 Comments on “10 manera straño pero útil pa usa Glacial Rub”

Leave a Reply

Your email address will not be published. Required fields are marked *